臺語繞口令大全
臺語的繞口令有哪些呢，下面YJBYS小編為大家精心搜集了關于臺語繞口令的大全，歡迎大家參考借鑒，希望可以幫助到大家!
1、喂喂喂，臺灣出甜粿，甜粿真好食，臺灣出木屐，
木屐真好穿，臺灣出鵁鴒，鵁鴒會講話，臺灣出棉被，
棉被蓋會燒，臺灣出芎蕉，芎蕉真大枇，臺灣出蕃薯，
蕃薯真正好，臺灣是寶島。
2、大頭仔大頭仔生後生，後生生了賣肉羹;肉羹肉羹結規丸，大頭仔講伊欲賣肉圓
肉圓歹吃無人買，大頭仔想欲賣碗粿;碗粿碗粿冷吱吱，大頭仔氣著賣花枝
花枝花枝真臭臊，大頭仔換來賣米糕;米糕米糕燒滾滾，大頭仔講伊欲賣米粉
米粉米粉滾袂爛，大頭仔毋知欲按怎 欲按怎?
3、一個囡仔佇咧吼，雄雄看著一隻狗，囡仔起跤走，跋倒捙畚斗，
阿娘佇外口，糴米糴一斗，轉來欲煮晝，看到囝仔吼，
囡仔一面哭一面吼，無愛食中晝，怹娘竹仔枝一下到，趕緊起跤走
一時心情亂糟糟，莫擱吵，莫擱拗，趕緊轉去厝裡食中畫。
4、和尚弄破鼓，提褲來補鼓，鼓破 褲補;褲破 布補，唔知是布補褲，抑是褲補鼓。
5、西北雨，滴滴落，鯽仔魚要娶某，鮕玳兄，打鑼鼓，媒人婆，土虱嫂，
天色暗，尋無路，趕緊來，火金姑，做好心，來照路，西北雨，滴滴落。
6、火金姑來食茶，茶燒燒食芎蕉，芎蕉冷冷食龍眼，龍眼會開花，匏仔換冬瓜。
冬瓜好煮湯，匏仔換粗糠，粗糠愛起火，九嬸婆仔爻炊粿，炊佮臭火焦兼著火。
7、一的炒米香，二的.炒韭菜，三的沖沖滾，四的炒米粉，五的五將軍，六的六子孫，
七的分一半，八的爬上山，九的九嬸婆，十的撞大鑼。打你千，打你萬，
打你一千又一萬，羞羞羞袂見笑，臆輸毋甘願，耍輸起蝦龜，
毋甘願起蝦龜，我欲來去投老師，投老師。
8、點仔點仔點水缸，什麼人放屁爛跤尻。點仔點仔點冊包，什麼人有閒來阮兜。
點仔點仔點茶壺，什麼人今暗欲娶某。點仔點仔點叮噹，什麼人今暗欲嫁尪。
點仔點仔點鉛筆，你是歹囝白賊七。點仔點仔點紛紛，你是英雄去做軍。
9、有一個人姓布，手提一匹布，行到雙叉路，雄狂入當舖，
當錢一千五，行轉雙叉路，買了一擔醋，擔轉雙叉路，看著一隻兔，
囥落醋，趕了兔，掠著兔，褪了褲，包了兔，咬破褲，走了兔，囥落醋，
趕了兔，偃倒醋，亦無褲，亦無兔，亦無布，氣死迄個人 姓傅!
10、今有「一個回仔一個開仔」佮「一個鎚仔一個開仔」欲把「鐵仔一個罐仔」開予開，是用「回仔一個開仔」等到「鐵仔一個罐仔」開開開，猶是用「鎚仔一個開仔」開「鐵仔一個罐仔」彼個「鐵仔一個罐仔」才會開開開。
11、做人的新婦著知道理，晏晏去睏著早早起，又擱煩惱天未光，
又擱煩惱鴨無卵，煩惱小姑欲嫁無嫁妝，煩惱小叔欲娶無眠床。
做人的新婦著知道理，晏晏去睏著早早起，起來梳頭抹粉點胭脂，
入大廳拭桌椅，踏入灶跤洗碗箸，踏入繡房繡針黹。
做人的新婦擱也艱苦，五更早起人嫌晏，燒水洗面人嫌燒，
白米煮飯人嫌烏，氣著剃頭做尼姑。
若是娶著彼落歹新婦，早早著去睏，晏晏擱毋起床，
透早若是佮伊叫起，著面臭臭，頭鬃又擱揹塊肩胛頭，
柴屐又擱拖塊胛脊後，著矻矻硞硞矻矻硞硞，
起來罵乾家官是老柴頭。
12、初一早，初二巧，初三睏到飽，
初四接神，初五隔開，初六挹肥，
初七七元，初八順星(完全)，初九天公生，初十有吃食席，
十一請子婿，十二查某子轉來拜，十三食暗糜配芥菜，
十四結燈棚，十五上元暝，十六相公生。
【臺語繞口令大全】相關文章：
繞口令大全精遍繞口令大全09-24
精選繞口令大全-繞口令09-10
繞口令大全精選-繞口令09-10
搞笑繞口令大全(搞笑繞口令大全超級難)09-17
繞口令大全簡短經典繞口令09-26
繞口令大全短篇11-03
韻母繞口令大全(普通話韻母繞口令大全)12-16
繞口令大全超級難(繞口令大全超級難罵人)09-17
繞口令大全：喇嘛和啞巴繞口令02-25
播音主持繞口令大全12-17